Haukafell SF 111 kemur hér að bryggju í Neskaupstað, sennilega haustið 1986, en þarna var báturinn á síldveiðum með nót.
Upphaflega hét báturinn Húni II HU 2 með heimahöfn í Höfðakaupstað sem nú heitir Skagaströnd.
Báturinn var smíðaður 1963 eftir teikningu Tryggva Gunnarssonar skipasmíðameistara í skipasmíðastöð KEA á Akureyri.
Árið 1972 var báturinn seldur Eini h/f á Hornafirði og fékk nafnið Haukafell SF 111 og var gerður út undir því nafni til ársins 1990. Hann hét síðan Gauti HU, Sigurður Lárusson SF og að lokum aftur Húni II sem hann ber í dag.
Báturinn er 27,48 metrar að lengd, 6,36 metra breiður og mælist 103 brl. að að stærð.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 