Hardhaus á Þórshöfn

IMO 9263526. Hardhaus H-120-AV ex Harengus. Ljósmynd Líney Sigurðardóttir 2021.

Líney Sigurðardóttir á Þórshöfn tók þessar myndir í gærmorgun þegar norska loðnuskipið Hardhaus kom þangað með 470 af loðnu til frystingar.

Eins og kunnugt er hefur Ísfélag Vestmannaeyja hf. keypt skipið sem mun fá nafnið Álsey VE 2.

Fram kemur í frétt Líneyjar í Morgunblaðinu að eftir löndun væri planið að sigla til Eskifjarðar þar sem nótin fer í geymslu. Þaðan verður haldið til Vestmannaeyja þar sem skipið verður afhent á mánudag.

Skipið sem smíðað var árið 2003 útbúið bæði til flottrolls- og nótaveiða. Það er 68,8 metra langt og 13,8 metra breitt. Í því er 6.120 hestafla aðalvél af gerðinni Wartsila 9L32. Lestar skipsins eru 12 talsins, samtals 1.955 rúmmetrar að stærð.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Kristín og Þórsnes

972. Kristín ÞH 157 – 967. Þórsnes SH 109. Ljósmynd Hafþór Hreiðarsson 2013.

Hér liggja þeir við hafnargarðinn á Húsavík haustið 2013 þýsku öldungarnir frá Boizenburg Kristín ÞH 157 og Þórsnes SH 109.

Upphaflega hét Þórsnesið Keflvíkingur KE 100 og var smíðað árið 1964 en Kristín var smíðuð 1965 og hét upphaflega Þorsteinn RE 303.

Þórsnes fór í brotajárn árið 2017, nánar tiltekið til Ghent í Belgíu. Kristín heitir Steinn GK 65.

Með því að smella á myndina er hægt að skoða hana í hærri upplausn.

By clicking on the images you can view them in higher resolution