Bervík SH 343

936. Bervík SH 343 ex Friðrik Bergmann SH 240. Ljósmynd Tryggvi Sigurðsson.

Bervík SH 343, sem sést hér á mynd Tryggva Sigurðssonar, hét upphaflega Æskan SI 140 og var smíðuð 1963 hjá Raun Bybergs Skibsbyggeri as. í Odense í Danmörku fyrir Æskuna hf. á Siglufirði.

Hún mældist í upphafi 82 brl. að stærð en var síðan endurmæld niður í 72 brl. Aðalvélin var af Völundgerð, 330 hestöfl en hún vék árið 1975 fyrir 580 hestafla Cummins.

Árið 1977 er báturinn kominn til Hafnar í Hornafirðir þar sem hann verður Æskan SF 140. Eigandi Auður hf. þar í bæ.

1992 kaupir Fengur hf. í Ólafsvík Æskuna og nefnir Friðrik Bergmann SH 240. Í maí 1999 kaupir nýstofnað útgerðarfyrirtæki, Bervík, Friðrik Bergmann og nefnir hann Bervík SH 343. Það nafn bar báturinn í nokkra mánuði áður en hann fékk aftur Æskunafnið og nú SH 343.

Æskan SH 343 sökk 15. júlí árið 2000 eftir að leki hafði komið að bátnum skammt undir Látrabjargi. Mannbjörg varð.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Tveir nýir Cleopatra 31 til Noregs

Ea N-10-SO. Ljósmynd Trefjar 2020.

Nú nýverið afgreiddi bátasmiðjan Trefjar í Hafnarfirði tvo nýja Cleopatra báta til Nordlandsfylkis í Norður Noregi.

Bátarnir, sem komnir eru til Noregs og heita Emmy og Ea, eru báðir af gerðinnni Cleopatra 31 en þeir eru 9.6 metrar að lengd og mælast 9 brúttótonn að stærð.

Útgerðarmennirnir eru Trygve  Magnus Johnsen frá Alsvåg og Ove Alvestad frá Sortland og verða þeir sjálfir skipstjórar á bátunum, tveir verða í áhöfn.

Aðalvélar eru af gerðinni FPT N67, 420hö tengdar ZF 286IV gírum. Bátarnir eru útbúinn siglingatækjum af gerðinni Simrad, Furuno og Olex.

Þeir eru er einnig útbúnir með vökvadrifinum hliðarskrúfum sem tengdar er sjálfstýringu.

Bátarnir er útbúnir til neta, línu og handfæraveiða.  Netabúnaður er norskur, Línuspil frá beiti og handfærarúllur frá DNG.

Lífbátur og annar öryggisbúnaður bátsins kemur frá Viking.

Rými er fyrir 14 stk. 380 lítra kör í lest. Fullbúin eldunaraðstaða er í lúkar og svefnpláss er fyrir þrjá í lúkar.

Emmy N-110-Ø, nær, og Ea N-10-SO. Ljósmynd Trefjar 2020.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution