Fengur ÞH 207 frá Grenivík kemur hér að landi á Dalvík í gær en báturinn tók þátt í sjóstangveiðimóti sem haldið var þar.
Fengur ÞH 207 var smíðaður árið 1988. Það var Stuðlaberg ehf. á Grenivík, sem bræðurnir Jón og Friðrik Kr. Þorsteinssynir stóðu að, fékk skel bátsins frá Mark hf. á Skagaströnd.
Þeir bræður fullkláruðu bátinn sem fékk nafnið Fengur og hafa gert út alla tíð.
Hann var þiljaður árið 1992 en áður bar hann skipaskrárnúmerið 7117. Báturinn hefur verið lengdur og er tæplega 12 metra langur, 3,18 metrar á breidd og mælist 13,73 brúttótonn að stærð.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
