Í nóvembermánuði 2004 kom ný Björg Jónsdóttir ÞH 321 til heimahafnar á Húsavík. Útgerðarfélagið Langanes ehf. festi kaup á skipinu í Noregi en það kom frá Póllandi þar sem það hafði verið í breytingum.
Breytingarnar fólust m.a í því að í því að sett var ný brú á skipið og skipt um aðalvél. Niður fór Bergen Diesel sem er 4080 hestöfl. Þá voru sett ný togspil og lestum breytt.
Á mbl.is sagði m.a þann 25. nóvember en þá kom skipið heim: „Björg Jónsdóttir var smíðuð í Flekkefjord í Noregi 1975 og er rúmir 70 metrar að lengd og 12 metra breitt og er stærsta skip til þessa í húsvíska fiskiskipaflotanum. Í skipinu er frysti- og flökunarbúnaður fyrir uppsjávarfisk og er frystigeta þess um 80 tonn af afurðum á sólahring. Skipið ber um 900 tonn í 6 RWS tönkum og 400 tonn af frystum afurðum. Heimsiglingin frá Póllandi tók fimm sólahringa“.
Útgerðarfélagið Langanes ehf. var selt Skinney-Þinganesi hf. í ágústmánuði 2006 og fékk Björg Jónsdóttir ÞH 321 nafnið Krossey SF 20 í kjölfarið. Síðar varð Krossey að Jónu Eðvalds SF 200 en það nafn ber skipið í dag.
Með því að smella á myndina er hægt að skoða hana í stærri upplausn.
Skipamyndir Hafþórs Hreiðarssonar 