Kópur ÞH 187 var keyptur til Kópaskers árið 1976 og gerður út þaðan til ársins 1981. Hann var keyptur frá Vestmannaeyjum þar sem hann bar nafnið Brynjar VE 321.
Upphaflega hét báturinn Kolbeinn í Dal ÍS 82 og var smíðaður 1972 hjá Skipasmíðastöð Guðmundar Lárussonar á Skagaströnd. Heimahöfnin Súðavík.
Báturinn, sem var 22 brl. að stærð, var seldur til Vestmannaeyja árið 1975 þar sem hann fékk nafnið Brynjar VE 321.
Eins og áður segir var hann á Kópaskeri 1976-1981 en þaðan fór hann aftur til Vestmannaeyja og nú fékk hann nafnið Stígandi VE 77. Árið 1984 fékk hann nafnið Siggi Gamli BA 214 og heimahöfn Tálknafjörður.
Það var svo árið 1986 sem hann fékk nafnið Sigurgeir Sigurðsson ÍS 533 með heimahöfn í Bolungarvík. Hann varð RE 80 árið 1998 sem hann bar í tvö ár en þá fékk hann sitt síðasta nafn. Það var Dögg ÍS 54 og heimahöfnin sú sama og í upphafi, Súðavík.
Dögg ÍS 54 sökk að kveldi 14. maí 2002 eftir að leki kom að bátnum um tvær sjómílur norð- austur af Arnarnesi við Ísafjarðardjúp. Tveggja manna áhöfn bátsins komst um borð í gúmíbjörgunarbát þaðan sem björgunarskipið Gunnar Friðriksson bjargaði þeim.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 