Guðbjörg Steinunn GK 37 stundaði rækjuveiðar úti fyrir Norðurlandi sumarið 2007 og hér sést hún koma að landi á Húsavík.
Báturinn hét upphaflega Þórir GK 251, síðar Þórir SF 77 og smátíma Þórir II SF 777 áður en hann var keyptur til Skagastrandar árið 1996. Þar fékk hann nafnið Ólafur Magnússon HU 54.
Því næst, eða árið 2006, fékk báturinn það nafn sem hann ber á myndinni, Guðbjörg Steinunn GK 37 með heimahöfn í Sandgerði.
Árið 2011 var Guðbjargarnafnið klippt af og eftir stóð Steinunn og hún var AK 36.
Báturinn, sem var smíðaður í Stálvík 1972 og yfirbyggður 1986, var seldur til Möltu árið 2015.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 