Línubáturinn Bíldsey SH 65 kom að landi á Siglufirði síðdegis í dag og voru þessar myndir teknar þá.
Það kom að því að ég náði nokkuð góðum myndum af henni en hún hét upphaflega Konni Júl GK 704 og var smíðaður hjá Seiglu í Reykjavík árið 2006. Eigandi Hviða ehf. og heimahöfnin Garður.
Árið 2008 fékk báturinn nafnið Kiddi Lár GK 501 þegar Útgerðarfélag Sandgerðis ehf. keypti hann.
Því nafni hét báturinn til ársins 2012 þegar hann fékk Bíldseyjarnafnið eftir að Sæfell hf. í Stykkishólmi keypti hann. Hét reyndar Bíldsey II SH 63 fyrstu mánuðina.
Báturinn var lengdur í 14,98 metra á Siglufirði 2012 en upphaflega var hann 12,5 metrar að lengd. Breidd hans er 4,6 metrar og hann mælist 29,83 BT að stærð.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 