Heiðrún EA 28 var yfirbyggð og skipt um brú á henni í Aas Mek. Verksted AS í Vestnes í Noregi sumarið 1987.
Eins og áður hefur komið fram keypti Gylfi Baldvinsson bátinn frá Akranesi árið 1984 en þar hét hann Grótta AK 101.
Söltunarfélag Dalvíkur keypti Heiðrúnu EA 28 síðla sumars 1990 og síðan um haustið var hún seld til Patreksfjarðar. Þar fékk hún nafnið Guðrún Hlín BA 122. Eigandi Háanes ehf. á Patreksfirði.
Vorið 1998 kaupir Háanes ehf. rækjufrystitogarann Hrafnseyri ÍS 10 frá Bolungarvík og fær hann nafnið Guðrún Hlín BA 122. Báturinn sem hér um ræði fór í hina áttina og fékk nafnið Hrafsneyri ÍS 10. Eigandi Þorbjörn hf. í Grindavík.
Í ágústmánuði árið 1999 var Hrafnseyrin orðin GK 411 og í aprílmánuði 2001 fékk báturinn nafnið Kristinn Lárusson GK 500. Eyrarsund ehf. hafði keypt bátinn nokkru áður og heimahöfn hans Sandgerði.
Kristinn Lárusson GK 500 var seldur til Noregs árið 2008 og var þá Oddi hf. skráður eigandi hans.
Heiðrún EA 28. 
Guðrún Hlín BA 122. 
Hrafnseyri ÍS 10. 
Hrafnseyri GK 411. 
Kristinn Lárusson GK 500.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
