Ný Cleopatra 50B til Noregs

Einar N-31-Ø. Ljósmynd Trefjar 2019.

Ólafur F. Einarsson útgerðarmaður á Myre í Noregi fékk á dögunum afhentan nýjan yfirbyggðan Cleopatra 50B beitningavélarbáta frá Bátasmiðjunni Trefjum í Hafnarfirði.

Ólafur var lengi í útgerð hér á landi ásamt föður sínum og föðurbróður, en fluttist til Noregs fyrir nokkrum árum.

Nýi báturinn heitir Einar og er 15 metrar á lengd og mælist 32 brúttótonn.  Ólafur er einnig með í rekstri tvo aðra Cleopatra báta. Ólafur verður sjálfur skipstjóri á nýja bátnum.

Aðalvél bátsins er af gerðinni Doosan 4V222TI 800hö (22L) tengd frístandandi ZF 665 V-gír. Rafstöð er af gerðinni Scam/FPT/Linz 50kW (60kVA) frá Ásafli. Glussarafall Scam 16kw (20kVA) frá Ásafli.

Báturinn er útbúinn siglingatækjum af gerðinni frá Larsen Elecom AS.

Báturinn er einnig útbúin með vökvadrifnum hliðarskrúfum að framan og aftan sem tengdar eru sjálfstýringu bátsins.

Báturinn er útbúinn til línuveiða og eru beitningavél, rekkakerfi og línuspil frá Mustad í Noregi. Búnaður á dekki er frá Lavango og Stálorku. Ísvél og forkælir er frá Kælingu ehf. Löndunarkrani á er af gerðinni TMP500L frá Ásafli ehf.

Báturinn útbúinn andveltigýrobúnaði af gerðinni ARG375 frá Ásafli ehf. Lífbátur og annar öryggisbúnaður bátsins kemur frá Viking.

Rými er fyrir allt að 76 stk. 460 lítra kör í lest.  Millidekk er lokað með aðgreindu dráttarrými.  Í bátnum er upphituð stakkageymsla fyrir sex manns.  Stór borðsalur.  Salerni/sturta.  Þvottavel og þurrkari.  Svefnpláss er fyrir sex í lúkar í fjórum aðskyldum klefum.

Fullbúið eldhús er um borð með öllum nauðsynlegum búnaði.  S.s. eldavél, bakarofni, örbylgjuofn, ísskáp og uppþvottavél.

Báturinn er útbúinn til lengri útiveru ef þarf og aðbúnaður um borð fyrir áhöfn í takt við það.

Bátnum var siglt yfir hafið til Noregs frá Hafnarfirði núna á dögunum og hefur þegar hafið veiðar í Noregi.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s