Netabáturinn Máni GK 36 kemur hér að landi í Keflavík í marsmanuði árið 2002.
Máni GK 36 var smíðaður í Danmörku 1959 fyrir fyrir Hraðfrystihús Grindavíkur og kom til heimahafnar á annan dag jóla það ár.
Máni GK 36 var gerður út frá Grindaví til ársins 1988 en þá var hann seldur til Tálknafjarðar og varð Máni BA 166. Vísir hf. í Grindavík keypti hann aftur til Grindavíkur árið 1990 og um það mátti lesa í Víkurfréttum 30. ágústa það ár:
Útgerðarfélagið Vísir s.f. í Grindavík hefur fest kaup á 72 tonna eikarbát, Mána BA 166 frá Tálknafirði.
Bátur þessi er ekki með öllu ókunnur hér syðra því frá því að hann hljóp af stokkunum 1959 í Danmörku og til ársins 1988 hét hann Máni GK 36 og var í eigu Hraðfrystihúss Grindavíkur.
Árin 1996-1999 heitir báturinn Haförn ÁR 115 en sumarið 1999 fékk hann aftur nafnið Máni og verður GK 36 eins og tæplega fyrstu 30 árin.
Báturinn var rifinn árið 2007 í Þorlákshöfn.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 