Addi afi GK 302 er hér á siglingu á Eyjafirði 25. febrúar árið 2006 en þarna var báturinn glænýr.
Á fréttavef Morgunblaðsins mátti lesa þessa frétt sama dag:
Sýndu Akureyringum Adda afa
JE vélaverkstæði á Siglufirði hefur afhent nýjan fiskibát til nýs eiganda, Útgerðarfélags Íslands. Báturinn er af gerðinni Siglufjarðar-Seigur 1120, en fyrirtækið keypti skrokk hans af Seiglu í Reykjavík og fullkláraði á Siglufirði.
Báturinn heitir Addi afi GK 302 og er heimahöfn hans í Sandgerði. Skipstjóri og útgerðarmaður bátsins, Óskar Haraldsson, er fæddur á Akureyri og uppalinn þar til 10 ára aldurs er hann flutti til Suðurnesja. Hann og Guðni Sigtryggson hjá JE vélaverkstæði brugðu sér því bæjarleið í dag, sjóleiðis, til að sýna Akureyringum þennan glæsilega bát.
Í febrúarmánuði 2008 fékk báturinn núverandi nafn eftir að hafa verið seldur til Bíldudals. Svalur BA 120 heitir báturinn í dag og er með heimahöfn á Brjánslæk. Eigandi Hafsbrún ehf.
Með því að smella á myndina er hægt að skoða hana í stærri upplausn.
Skipamyndir Hafþórs Hreiðarssonar 