Þessi mynd var tekin sumarið 2006 þegar Serene LK 297 kom til Akureyrar en Samherji hf. hafði þá nýlega fest kaup á skipinu frá Hjaltlandseyjum.
Skipið fékk nafnið Margrét EA 710 og hélt þessum fallega rauða lit til ársins 2010 en þá keypti Síldarvinnslan hf. það og nefndi Beitir NK 123.
Í kjölfarið var það málað blátt en Síldarvinnslan seldi það til Noregs árið 2013, í skiptum fyrir norska uppsjávarveiðiskipinu Gardar.
Þar hélt skipið bláa litnum þar til nýverið að það var málað grænt eins og skip Gardarsútgerðarinnar hafa jafnan verið.
Og á dögunum bárust þær fréttir að skipið væri aftur að koma í íslenska flotann eftir að Vinnslustöðin hf. keypti það.
Gardar fær nafnið Gullberg VE 292 og er væntanlegt til Vestmannaeyja á næstunni.
Og eins og menn vita er litur Vinnslustövarinnar blár, með undantekningum þó.
Skipið var smíðað í Flekkefjørd í Noregi árið 1998, það er 71 metrar að lengd, 13 metra breitt og mælist 2,188 BT að stærð.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 