Halldóra HF 61 er hér uppi í Drafnarslippnum í Hafnarfirði og einnig má sjá glitta í Hástein ÁR 8 og Önnu HF 39.
Halldóra HF 61 var smíðuð í Skipavík í Stykkishólmi og hét báturinn, sem er 60 brl. að stærð, Þróttur SH 4. Hann var smíðaður fyrir Hólma h/f í Stykkishólmi og lauk smíði hans árið 1965.
Báturinn hefur einnig borið nöfnin Morgunstjarnan, Páll Rósinkransson, Björn í Vík, og Ása. Eftir að hann hét Halldóra fékk hann nafnið Haftindur HF 123 en frá árinu 1999 hefur báturinn heitið Náttfari og gerður út til hvalaskoðunar frá Húsavík.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 