Þegar ég var að setja inn myndina af Halldóru HF 61 hér áðan minnti mig að ég ætti mynd af Ásu ÍS 19 í sama slippnum, Drafnarslippnum.

Og það var rétt og hún skönnuð inn með hraði en það skemmtilega er að þarna í slippnum eru einnig Hásteinn ÁR 8 og Anna HF 39.

Þannig að, myndirnar voru teknar þegar báturinn fór upp sem Ása og niður sem Halldóra. Það mun hafa verið 1988 sem þessi nafnabreyting varð á bátnum.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Halldóra HF 61 er hér uppi í Drafnarslippnum í Hafnarfirði og einnig má sjá glitta í Hástein ÁR 8 og Önnu HF 39.

Halldóra HF 61 var smíðuð í Skipavík í Stykkishólmi og hét báturinn, sem er 60 brl. að stærð, Þróttur SH 4. Hann var smíðaður fyrir Hólma h/f í Stykkishólmi og lauk smíði hans árið 1965.

Báturinn hefur einnig borið nöfnin Morgunstjarnan, Páll Rósinkransson, Björn í Vík, og Ása. Eftir að hann hét Halldóra fékk hann nafnið Haftindur HF 123 en frá árinu 1999 hefur báturinn heitið Náttfari og gerður út til hvalaskoðunar frá Húsavík.

Með því að smella á myndina er hægt að skoða hana í hærri upplausn.

By clicking on the images you can view them in higher resolution