Netabáturinn Skátinn GK 82 kemur hér að landi í Grindavík á vetrarvertíðinni árið 2008.
Skátinn GK 82 heitir Láki í dag og er gerður út til siglinga með ferðamenn frá Grundarfirði.
Upphaflega hét báturinn Frosti ÞH 230 og var smíðaður fyrir Frosta h/f á Grenivík í Bátasmiðjunni Vör h/f á Akureyri árið 1974.
Báturinn sem er 29 brl. að stærð, var seldur Pálma Karlssyni á Húsavík árið 1978 og fékk nafnið Helga Guðmunds ÞH 230.
Pálmi flutti til Reykjavíkur með bátinn upp úr 1980 og varð báturinn þá Helga Guðmunds RE 104. Pálmi seldi bátinn upp á Akranes árið 1982 og fékk hann þar nafnið Reynir AK 18.
Síðan hefur báturinn heitið nöfnunum Egill SH 195, Herdís SH 96, Ársæll Sigurðsson HF 80, Stakkaberg SH 117, Snorri Afi SH 117, Frosti SH 13, Kofri ÍS 41, Skátinn gK 82, Gustur SH 55 og loks Láki SH 55.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 