Geiri Péturs ÞH 344 í slipp á Húsavík

1207. Geiri Péturs ÞH 344 ex Sigurbergur GK 212. Ljósmynd Hafþór Hreiðarsson 1985.

Geiri Péturs ÞH 344 er á þessari mynd í slippnum á Húsavík sumarið 1985. Myndin er tekin af Beinabakkanum í kvöldsólinni.

Geiri Péturs ÞH 344 var smíðaður í Slippstöðinni á Akureyri 1971 eftir teikningu Hjálmars R. Bárðarsona og hét upphaflega Sigurbergur GK 212.

Smíðinni var þó þannig háttað að Slippstöðin smíðaði skrokk og yfirbyggingu bátsins. Hann var síðan dreginn suður til Hafnarfjarðar þar sem smíði hans var lokið árið 1972 hjá skipasmíðastöðinni Dröfn h/f.

Arinbjörn RE 54 hafði Sigurberg GK 212 í slefi suður en hann var afhentur sama dag og Sigurbergur var afhentur samnefndu hlutafélagi í Hafnarfirði.

Sigurbergur GK 212 var 4 metrum styttri en Arinbjörn RE 54 en hann átti eftir vaxa því hann var lengdur og yfirbyggður áður en Korri h/f á Húsavík keypti hann árið 1980. Mig minnir að það hafi verið gert 1977. Sigurbergur var 138 brl. eftir lengingu en Arinbjörn var 149 brl. að stærð.

Upphaflega var 375 hestafla Kromhoutaðalvél í Sigurbergi en 580 hestafla Cuminns leysti hana af hólmi árið 1975. Þegar báturinn var kominn í eigu Korra h/f var sett í hann 862 hestafla Caterpillar og fóru vélarskiptin fram á Húsavík árið 1983.

Korri h/f seldi bátinn sumarið 1987 eins og lesa má um hér.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Ein athugasemd á “Geiri Péturs ÞH 344 í slipp á Húsavík

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s