Patricia III SNZ 72 frá Szczecin í Póllandi kom til Húsavíkur í ágústmánuði árið 2004.
Togarinn, sem var þá í eigu Íslendinga, sigldi undir pólsku flaggi og hafði verið að veiðum í Barentshafi og kom til löndunar á Húsavík.
Skuttogari þessi hét upphaflega Ögri RE 72, smíðaður í Gdansk í Póllandi fyrir Ögurvík h/f í Reykjavík. Hann kom til heimahafnar í Reykjavík 13. desember en systurskip hans, Vigri RE 71, hafði komið rúmum mánuði áður.
Ögri RE 72 fékk nafnið Akurey RE 3 eftir að Grandi h/f keypti skipið af Ögurvík h/f og gerði út í nokkur ár.
Síðasta nafn togarans á íslenskri skipaskrá var Bravó SH 543 og síðar bara Bravó en hann var notaður um tíma til fiskflutninga til Skotlands.
Patricia III fór í brotajárn árið 2007.
Með því að smella á myndirnar er hægt að skoða þær í hærri upplausn.
Skipamyndir Hafþórs Hreiðarssonar 