Línubáturinn Örninn GK 204 kemur hér að landi í Grindavík vorið 2008.
Báturinn var smíðaður hjá bátasmiðjunni Trefjum í Hafnarfirði fyrir Guðmund Ragnar Guðmundsson útgerðarmaður frá Drangsnesi. Báturinn, sem er af gerðinni Cleopatra 38, var afhentur í febrúar 2004 og fékk nafnið Kristbjörg ST 6.
Í upphafi árs 2006 fékk báturinn nafnið Guðfinnur KE 19 en þá hafði hann verið seldur til Keflavíkur.
Í janúarmánuði árið 2007 fær báturinn nafnið sem hann ber á myndunum sem nú birtast, Örninn GK 204.
Í marsmánuði 2014 er hann seldur norður í Fjallabyggð og verður Örninn ÓF 28, í apríl 2016 fær hann nafnið Jón á Nesi ÓF 28.
Sumarið 2018 er báturinn aftur kominn suður og heitir í dag Lómur KE 67. Útgerð GunGum ehf. og heimahöfnin Keflavík.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 