Línu- og netabáturinn Sólborg RE 27 er hér við bryggju í Reykjavík en myndin var tekin í byrjun júlímánaðar.
Sólborg RE 27 var smíðuð hjá Karstensens Skibsværft í Skagen í Danmörku árið 1988. Hún hét áður Aja Aaju GR 2-258 og var gerð út frá Grænlandi, heimahöfnin Qaqortoq.
Sólborg RE 27 kom inn á íslenska skipaskrá í júlí í fyrra en eigandi hennar, Útgerðarfélag Reykjavíkur hf., gerði bátinn út til grálúðuveiða í net.
Sólborg er 29 metrar að lengd og mælist 465 BT að stærð.
Með því að smella á myndina er hægt að skoða hana í hærri upplausn.
By clicking on the images you can view them in higher resolution.
Skipamyndir Hafþórs Hreiðarssonar 