Inga NK 4

2395. Inga NK 4 ex Ásdís GK 218. Ljósmynd Hafþór Hreiðarsson 2011.

Inga NK 4 frá Norðfirði kom til Húsavíkur í marsmánuði árið 2011 en báturinn var að kanna sæbjúgnamið við Norðurland.

Ekki löngu seinna þetta ár var báturinn, sem upphaflega hét Brík BA 2 og var tæplega 30 brl. að stærð. seldur til Noregs.

Brík BA 2 var smíðuð á Ísafirði  fyrir Bílddælinga árið 2000. Seld til Suðurnesja árið 2007 og þar fékk hún Ásdísarnafnið. Seldur á Neskaupstað árið 2010 þar sem hann fékk nafnið Inga NK 4. Hún er tæplega 30 brl. að stærð.

Eins og áður segir var Inga NK 4 var seld til Noregs árið 2011 og bar fyrst nafnið Leithe N-8-G með heimahöfn í Bodø.  Árið eftir er skráningunni breytt í N-8-ME en áfram í eigu sama fyrirtækis. Fær nafnið Vea Fisk R-41-K á árinu 2014 og gerð út frá Karmøy. 

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Við bryggju í Bermeo í Baskalandi

IMO: 8737556. Izurdia Maitea. Ljósmynd Hafþór Hreiðarsson 2019.

Á ferð okkar um Baskaland sl. sumar áðum við um stund í hafnarbænum Bermeo og þá tók ég þessa mynd af fiskibátnum Izurdia Maitea sem lá þar við bryggju.

Báturinn var smíðaður árið 1998 hjá Astilleros Cardama, S.A. í Vigo og er 107 GT að stærð. Lengd hans er 27 metrar og breiddin 6,30 metrar.

Með því að smella á myndina er hægt að skoða hana í hærri upplausn.

By clicking on the images you can view them in higher resolution