Þrír rauðir í Hafnarfirði

1144. Aron HF 555, 1224. Faxaberg HF 104, 1197. Hrefna GK 58. Ljósmynd Hafþór Hreiðarsson.

Hér gefur að líta þrjá fagurrauða smábáta í Hafnarfjarðarhöfn um 1990 og allir voru þeir smíðaðir þar í bæ.

Næstur bryggjunni er Aron HF 555 sem upphaflega hét Aron ÞH 105 og smíðaður fyrir Guðmund A. Hólmgeirsson á Húsavík árið 1971.

Næstur kemur Faxaberg HF 104 sem var smíðaður árið 1972 fyrir Guðmund Ragnarsson og Hrein Björgvinsson á Vopnafirði. Báturinn hét upphaflega Rita NS 13 en báðir þessir bátar voru smíðaðir í Bátalóni hf. í Hafnarfirði.

Þriðja bátinn og þann sem liggur ystur í röðinni smíðaði Jóhann L. Gíslason í bátasmiðju sinni. Upphaflega hét hann Unnur EA 87 og var smíðaður árið 1971 fyrir Harald Jóhannsson í Grímsey.

Allir voru bátarnir smíðaðir úr furu og eik og mældust 10-11 brl. að stærð. Allir bátarnir þrír voru teknir af skipaskrá árið 1992. Heimildir: aba.is

Hamra-Svanur SH 201

1757. Hamra-Svanur SH 201 ex Oddeyrin EA 210. Ljósmynd Þorgeir Baldursson.

Hamra-Svanur SH 201 hét upphaflega Oddeyrin EA 210 og var smíðuð í Slippstöðinni á Akureyri.

Togarinn var annað tveggja svokallaðra raðsmíðaskipa sem voru smíðuð í Slippstöðinni á þessum árum, hitt var Nökkvi HU 15.

Árið 1996 keypti Sigurður Ágústsson ehf. Oddeyrina EA 210 og nefndi Hamra-Svan SH 201. Skipið er 274 brl. að stærð, 38,80 metrar að lengd og 8,10 metra á breidd.

Hamra-Svanur SH 201 var seldur til Færeyja árið 2002.

Með því að smella á myndina er hægt að skoða hana í hærri upplausn.

By clicking on the images you can view them in higher resolution