Norræna sullast áfram í ssv 25 m/s

IMO 9227390. Norræna. Ljósmynd Hólmgeir Austfjörð 2019.

Færeyska ferjan Norræna og togarinn Ottó N Þorláksson VE 5 mættust úti fyrir Austurlandi nú síðdegis og tók Hólmgeir Austfjörð þessar myndir sem hér birtast.

„Norræna siglir hér á 18 sjm. ferð framan við okkur austur af Seyðisfirði, við erum á bullandi lensi í ssv 25 m/s“ skrifaði Hólmgeir með sendingunni.

Norræna var smíðuð fyrir Smyril Line í Færeyjum árið 2003 og er með heimahöfn í Færeyjum. Smíðin fór fram í Lübeck í Þýskalandi. Lengd skipsins eru 164 metrar og breiddin 30 metrar.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Bjarni Sæmundsson í slipp

1131. Bjarni Sæmundsson. Ljósmynd Hafró.

Þann 27. október 2019 varð óhapp með eina af þremur vélum í RS Bjarna Sæmundssyni.

Óhappinu var lýst þannig að vélin hafi einfaldlega stoppað með miklum hávaða. Við skoðun kom í ljós að tveir stimplar voru fastir, vélarblokkin sprungin og stimpilstöngin gengin út úr blokkinni.

Keypt hefur verið ný vélarblokk og var Bjarni tekinn í slipp föstudaginn 17. janúar. Gera þurfti gat á síðu skipsins til að geta skipt um vélarblokk og má sjá ónýta vélina hífða út um gatið á skipinu á myndinni hér að ofan.

Í tilkynningu segir að allt kapp sé nú lagt á að klára viðgerðir til að halda áætlun, að Bjarni verði sjófær fyrir 10. febrúar þegar hann heldur til rannsókna á ástandi sjávar.

Með því að smella á myndina er hægt að skoða hana í hærri upplausn.

By clicking on the images you can view them in higher resolution