Oddgeir ÞH 222 er hér á Breiðafirði, nánar tiltekið fyrir utan höfnina í Ólafsvík. Árið sennilega 1986.
Oddgeir ÞH 222 var smíðaður í Hollandi árið 1963 fyrir Gjögur hf. á Grenivík og það nafn bar hann í 40 ár eða þangað til hann var seldur árið 2003.
Á þessum tíma var hann yfirbyggður og skipt um brú auk þess sem nýr skutur var kominn á hann. Hann mældist 164 brl. að stærð.
Eins og áður segir var hann seldur árið 2003, kaupandinn var Aðalsteinn Ómar Ásgeirsson útgerðarmaður á Ísafirði. Hann nefndi bátinn Baldur Árna og var hann áfram ÞH 222 nú með heimahöfn á Húsavík.
Baldur Árna ÞH 222 var seldur til Nova Scotia í Kananda haustið 2009 og fékk nafnið Francoise.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 