Ontika kom til Hafnarfjarðar í dag

Ontika KL 913 ex Orri ÍS 20. Ljósmynd Óskar Franz 2019.

Óskar Franz tók þessa mynd af skuttogaranum Ontika L 913 koma til Hafnarfjarðar í dag.

Togarinn var að koma úr síðustu veiðiferðinni fyrir útgerðarfyrirtækið Reyktal en Lokys KL 926 mun leysa hann af hólmi.

Ontika hefur verið seldur til Lettlands. Togarinn, sem hét upphaflega Le Bretagne og var smíðaður árið 1984, hét eitt sinn Orri ÍS 20.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Aal Nanjing að koma til Helguvíkur

IMO 9521552. Aal Nanjing. Ljósmynd KEÓ 2019.

Flutningaskipið Aal Nanjing er í þessum skrifuðu orðum að koma til hafnar í Helguvík með hóteleiningar sem þar verður skipað upp.

Aal Nanjing siglir undir fána Líberíu og heimahöfnin er Monrovia. Skipið var smíðað 2012 og er 14, 053 GT að stærð. Lengd þess er 148,99 metrar og breiddin 23,5 metrar.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Hrafnreyður KÓ 100

1324. Hrafnreyður KÓ 100 ex Valur ÍS 18. Ljósmynd Magnús Jónsson 2018.

Hrafnreyður KÓ 100 leggur hér upp frá Hafnarfirði sumarið 2018 í sama mund og frystitogarinn Berlin NC 105 kom að.

Hrafnreyður KÓ 100, sem er í eigu IP útgerðar ehf., heitir Halla ÍS 3 í dag og er með heimahöfn á Flateyri. Stundar veiðar á sæbgjúga.

Báturinn var smíðaður hjá Vélsmiðju Seyðisfjarðar hf. árið 1973 og er 101 brl. að stærð. Hann hét upphaflega Ottó Wathne NS 90 og var í eigu Gyllis hf. á Seyisfirði.

Ottó Wathne NS 90 var seldur til Hornafjarðar árið 1981 þar sem hann fékk nafnið Bjarni Gíslason SF 90.

Árið 2005 var báturinn seldur til Vestmannaeyja og varð Bjarni Gíslason VE 30, 2007 fékk hann nafnið Valur ÍS 18, heimahöfn Súðavík.

Árið 2010 fékk hann að nafn sem hann ber á myndinni, Hrafnreyður KÓ 100. Stundaðar voru og hrefnuveiðar á bátnum en í júní 2018 hóf hann veiðar á sæbjúga.

Það var svo í júní á þessu ári sem báturnn fékk nafnið Halla ÍS 3.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Trausti EA 98 á Trilludögum

396. Trausti EA 98 ex Sigurður Pálsson ÓF 66. Ljósmynd Jón Steinar 2019.

Jón Steinar tók þessar myndir af Trausta EA 98 fyrir nokkru þegar Trilludagar voru haldnir á Siglufirði.

Trausti EA 98 er 8 brl. að stærð, hét upphaflega Eyrún EA 58 var smíðaður ári 1954 í skipasmíðastöð KEA.

Hann var smíðaður fyrir þá Jóhann Jónasson og Björn Björnsson í Hrísey.

1973 var báturinn seldur til Ólafsfjarðar þar sem hann fékk nafnið Sigurður Pálsson ÓF 66.

396. Trausti EA 98 ex Sigurður Pálsson ÓF 66. Ljósmynd Jón Steinar 2019.

Árið 2005 var báturinn tekinn af skrá en eftir að Lúðvík Gunnlaugsson á Akureyri keypti hann árið 2009 og hóf að endurbyggja komst hann aftur á skipaskrá árið 2010. Heimild aba.is

Lúðvík hefur stundað strandveiðar á Trausta EA 98 undanfarin sumur.

396. Trausti EA 98 ex Sigurður Pálsson ÓF 66. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution