Atlanúpur ÞH 270

1420. Atlanúpur ÞH 270 ex Kristey ÞH 25. Ljósmynd Hafþór Hreiðarsson.

Atlanúpur ÞH 270 frá Raufarhöfn var smíðaður í Skipavík í Stykkishólmi árið 1975 fyrir Korra h/f á Húsavík og hét Kristbjörg ÞH 44.

Báturinn var seldur Höfða h/f á Húsavík 1992 og fékk báturinn nafnið Kristey ÞH 25.

1997 var Kristey ÞH 25 seld Jökli h/f á Raufarhöfn  þar sem báturinn fékk nafnið  Atlanúpur ÞH 270 og var gerður út á rækju.

Árið 1998 var Atlanúpur seldur Árnesi h/f í Þorlákshöfn og fékk hann nafnið Keilir GK 145.

Árið 2000 kaupir Siglfirðingur h/f bátinn sem heldur Keilisnafninu en verður SI 145 .

1420. Atlanúpur ÞH 270 ex Kristey ÞH 25. Ljósmynd Hafþór Hreiðarsson.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Granit á veiðislóðinni

IMO 9796896. Granit H-11-AV. Ljósmynd Eiríkur Sigurðsson 2019.

Hann er glæsilegur norski frystitogarinn Granit H-11-AV sem Eiríkur Sigurðsson myndaði við veiðar á Svalbarðasvæðinu í fyrradag.

Hann var smíðaður fyrir Halstensen Granit AS í Tersanskipasmíðastöðinni í Tyrklandi og afhentur í september árið 2017.

Granit er 81,20 metrar að lengd, 16,60 metra breiður og mælist 4,427 GT að stærð.

Halstensen Granit AS er staðsett í Bekkjarvik sem er um 50 km. suður af Bergen sem er heimahöfn skipsins.

IMO 9796896. Granit H-11-AV. Ljósmynd Eiríkur Sigurðsson 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution