Vestmannaey VE 444 orðin Smáey VE 444

2444. Smáey VE 444 ex Vestmannaey VE 444. Ljósmynd Guðmundur Alfreðsson 2019.

Vestmannaey VE 444 hefur fengið nafnið Smáey VE 444 en eins og flestir vita kom ný Vestmannaey til landsins fyrir skömmu. Sú er VE 54.

Þetta kemur fram á heimasíðu Síldarvinnslunnar hf.

Útgerðarfélagið Bergur-Huginn hefur áður átt skip sem borið hefur nafnið Smáey en það var selt árið 2012 til Grenivíkur. Gert er ráð fyrir að ný Bergey, sem er systurskip nýrrar Vestmannaeyjar, komi til landsins í septembermánuði nk. en núverandi Bergey hefur verið seld Guðmundi Runólfssyni hf. í Grundarfirði og er gert ráð fyrir að skipið verði afhent nýjum eiganda í síðasta lagi í septembermánuði nk.  Segir í fréttinni.

En þess má geta að Bergur-Huginn átti einnig aðra Smáey VE 144 hér á árum áður sem smíðuð var á Ísafirði og hét upphaflega Guðlaugur Guðmundsson SH 97.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Tuneq kom til Hafnarfjarðar í gær

1903. Tuneq GR 6-40 ex Þorsteinn ÞH 360. Ljósmynd Óskar Franz 2019.

Óskar Franz tók þessa mynd af grænlenska uppsjávarveiðiskipinu Tuneq GR 6-40 koma til Hafnarfjarðar í gær.

Tuneq GR 6-40 hét upphaflega Helga II RE 373 og var smíðuð í Ulsteinvik í Noregi árið 1988 fyrir Ingimund hf. í Reykjavík.

Síðar Þorsteinn EA 810 og Þorsteinn ÞH 360.

Með því að smella á myndina er hægt að skoða hana í hærri upplausn.

By clicking on the images you can view them in higher resolution