Línubáturinn Karólína ÞH 100 kom til Húsavíkur í dag eftir um þriggja vikna slipp á Siglufirði.
Báturinn er eins og nýr á að líta en hann var sprautaður að utan sem innan auk þess sem farið var í vélina á honum.
Karólína er að verða 14 ára gömul og að sögn Hauks Eiðssonar skipstjóra og útgerðarmanns hafa þeir fiskað hátt í 9000 tonn á bátinn. Haukur og Örn Arngrímsson hafa verið á bátnum frá upphafi.
Karólína ÞH 100 er í eigu Doddu ehf. á Húsavík og var smíðuð hjá Samtak í Hafnarfirði. Af gerðinni Víkingur 1200.
Báturinn er 11,94 metrar að lengd, 4,18 metrar á breidd og mælist 14,92 BT að stærð.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 