Nýr bátur, Hanna Ellerts SH 4, kom til Húsavíkur eftir siglingu frá Stykkishólmi þaðan sem báturinn var keyptur.
Um er að ræða níu metra langan Sómabát, smíðaðan árið 1991 í Bátasmiðju Guðmundar.
Upphaflega hét báturinn Þyrí HF 42 en hefur í gegnum tíðina heitið þó nokkrum nöfnum. S.s. Sigurvík, Draupnir, Tímon, Katrín, Ásdís, Venni og Korri.
Það er Eyrarvík ehf. sem keypti bátinn til Húsavíkur en að því fyrirtæki standa Sigurjón Sigurbjörnsson og Sigurgeir Pétursson. Þeir hyggjast m.a nota bátinn til Flateyjarferða en báðir eiga þeir ættir að rekja þangað.
Að sögn Sigurgeirs mun báturinn sennilega fá nafnið Njörður ÞH 112.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution.
Skipamyndir Hafþórs Hreiðarssonar 