Stokksey ÁR 50

1245. Stokksey ÁR 50 ex Surtsey VE 2. Ljósmynd Tryggvi Sigurðsson.

Stokksey ÁR 50 er hér á toginu um árið en upphaflega hét báturinn Surtsey VE 2 og var smíðuð í Slippstöðinni á Akureyri árið 1972.

Báturinn var smíðaður fyrir Hraðfrystistöð Vestmannaeyja hf. og Erling Pétursson í Vestmannaeyjum. Í upphafi mældist hann 105 brl. að stærð og var með MWM 765 hestafla aðalvél. 1980 var Surtsey yfirbyggð og mældist þá 101 brl. að stærð. 

Hraðfrystihús Stokkseyrar hf. kaupir Surtsey VE 2 árið 1982 og nefnir hana Stokksey ÁR 50. Haustið 1992 kaupir svo Höfði hf. á Húsavík bátinn sem fær nafnið Aldey ÞH 110 og var hann gerður út til rækjuveiða.

Höfði hf. sameinast svo Íshafi hf. 1995 og ári síðar var Aldey seld til Skotlands. Sennilega notuð til úreldingar upp í nýjan rækjufrystitogara, Júlíus Havsteen ÞH 1, sem fyrirtækið keypti frá Grænlandi. 

Það er af Aldey að segja að hún fékk nafnið Ternacia FR 331 en útgerð hennar varði ekki lengi. Skotarnir voru ekki búnir að gera bátinn lengi út þegar hann sökk.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Grásleppubáturinn Sóley ÞH 28

7382. Sóley ÞH 28 ex Íshildur SH 160. Ljósmynd Hafþór Hreiðarsson 2021.

Grásleppubáturinn Sóley ÞH 28 kom að landi á Húsavík um kaffileytið í dag og voru þessar myndir teknar þá.

Sóley ÞH 28 hét upphaflega Gnoð HF 25 og var smíðuð árið 1993 fyrir Jón Gíslason Hafnarfirði í Bátasmiðju Guðmundar ehf. í Hafnarfirði.

Árið 1995 var Gnoð seld til Þórshafnar þar sem hún fékk nafnið Þórunn ÞH 123. Síðar átti hún eftir að heita Þórunn GK 63, Bensi Egils ST 13, Signý ÞH 123 og Íshildur SH 160.

Í nóvemer árið 2011 er hún keypt til Húsavíkur, hét fyrstu dagana Sóley II ÞH 28 en síðan Sóley ÞH 28.

Hér fyrir neðan eru myndir af bátnum og við löndun úr honum.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution