Sigurborg SH 12

1019. Sigurborg SH 12 ex Sigurborg HU 100. Ljósmynd Hólmgeir Austfjörð 2019.

Hólmgeir Austfjörð tók þessar myndir í gærmorgun af Sigurborgu SH 12 þar sem hún var að veiðum suðvestur úr Bjargtöngum.

1019. Sigurborg SH 12 ex Sigurborg HU 100. Ljósmynd Hólmgeir Austfjörð 2019.

Sigurborg SH 12 er í eigu Soffaníasar Cecilssonar ehf. í Grundarfirði sem aftur er í eigu FISK-Seafood ehf. á Sauðárkróki.

Sigurborg hét upphaflega Sveinn Sveinbjörnsson NK 55 frá Neskaupstað, smíðaður í Hommelvik í Noregi 1966 fyrir Múla h/f á Neskaupstað. 

1019. Sigurborg SH 12 ex Sigurborg HU 100. Ljósmynd Hólmgeir Austfjörð 2019.

Með því að smella á myndirnar er hægt að skoða þær í stærri upplausn.

Eldur í báti á Skjálfanda 2008

1475. Sæborg ÞH 55 með 1262. Sigurpál ÞH 130 í togi. Ljósmynd Hafþór Hreiðarsson 2008.

Að morgni 2. septembers árið 2008 kom upp eldur í vélarrúmi Sigurpáls ÞH 130 á Skjálfanda.

Báturinn var um 1,5 sjm. frá Húsavík og því var stutt fyrir björgunaraðila að sigla að bátnum.

Guðbergur Rafn Ægisson formaður Björgunarsveitarinnar hafði þetta að segja við mbl.is þennan sama dag:

„Eld­ur­inn mun hafa komið upp í vél­ar­rúmi báts­ins og þegar þeir opnuðu það þá gaus eld­ur­inn upp í stýris­hús,“ sagði Guðberg­ur Ægis­son, formaður björg­un­ar­sveit­ar­inn­ar Garðars á Húsa­vík, stýrði björg­un­araðgerðinni er eld­ur kom upp í eik­ar­bátn­um Sig­urpáli ÞH 130.

Þriggja manna áhöfn björg­un­ar­skips Slysa­varna­fé­lags­ins Lands­bjarg­ar, Jóns Kjart­ans­son­ar frá Húsa­vík var ekki nema 12 mín­út­ur á slysstaðinn en eld­ur­inn kom upp 1,5 sjó­míl­ur frá Húsa­vík.

„Við vor­um inn­an við 5 mín­út­ur að fara þetta á hraðbátn­um okk­ar,“ sagði Guðberg­ur í sam­tali við mbl.is. 

Tveir menn voru um borð í Sig­urpáli ÞH 130 en þeir voru flutt­ir á sjúkra­hús vegna gruns um reyk­eitrun. 

Guðberg­ur sagði að áhöfn Sig­urpáls hafi verið kom­in í vesti og til­bún­ir að stökkva í sjó­inn þegar björg­un­ar­bát­inn bar að garði.

Slökkviliðs- og lög­reglu­menn höfðu farið með Sóma­bát með vatns­dælu út að bátn­um og slökkt eld­inn. Búið er að draga Sig­urpál til hafn­ar á Húsa­vík og dæla sjó upp úr hon­um.

„Það sér vel á bátn­um, hann hef­ur brunnið tölu­vert,“ sagði Guðberg­ur að lok­um.

Komið með Sigurpál ÞH 130 að bryggju á Húsavík. Ljósmynd Hafþór Hreiðarsson 2008.

Sigurpáll ÞH 130 hét upphaflega Sjöfn ÞH 142 frá Grenivík.

Frá aðgerðum á vettvangi. Ljósmynd Hafþór Hreiðarsson 2008.
Karl Halldórsson slökkviliðsmaður sveiflar landfestum. Ljósmynd Hafþór Hreiðarsson 2008.
Þórólfur og Jónmundur Aðalsteinssynir slökkviliðsmenn. Ljósmynd Hafþór Hreiðarsson 2008
Á Skjálfandaflóa 2. september 2008.

Á myndinni hér að ofan má sjá Sæborgu ÞH 55 á fullu stími í átt að Sigurpáli ÞH 130. Slökkviliðs- og björgunarsveitarmenn höfðu farið á smábátum að Sigurpáli. Slökkt eldinn og flutt skipverjana tvo í land.

Með því að smella á myndirnar er hægt að skoða þær í hærri upplausn.

Fjóla SH 7

2070. Fjóla SH 7 ex Kópur Gk 175. Ljósmynd Alfons Finnsson.

Fjóla SH 7 kemur hér að landi í Ólafsvík eftir makrílveiðiferð.

Fjóla SH 7 sem er í eigu Þórishólma ehf. í Stykkishólmi var smíðuð í Stálsmiðjunni árið 1990 fyrir Garðar Garðarsson útgerðarmann í Keflavík.

Báturinn fékk nafnið Jón Garðar KE 1. Hann var 9,7 brl. að stærð en mælist í dag 14,9 BT.

Haustið 2004 er báturinn seldur Víkurhrauni ehf. í Grindavík sem gaf honum nafnið Hraunsvík GK 75.

Um mitt ár 2007 fær hann nafnið Kópur GK 175, sami eigandi en tæpu ári síðar er hann seldur Þórishólma ehf. sem gaf honum nafnið sem hann ber í dag.

Með því að smella á myndina er hægt að skoða hana í hærri upplausn.

Farsæll SH 30 að veiðum

1629. Farsæll SH 30 ex Klængur ÁR 2. Ljósmynd Hólmgeir Austfjörð 2019.

Farsæll SH 30 er hér að veiðum suðvestur af Bjargtöngum í gærmorgun.

Farsæll er 177 rúmlesta/237 BT togbátur í eigu FISK-Seafood ehf. á Sauðárkróki.

Farsæll SH 30 hét upphaflega Eyvindur Vopni NS 70 og var smíðaður 1983 hjá Vélsmiðju Seyðisfjarðar h/f fyrir Kolbeinstanga h/f á Vopnafirði.

Í 9 tbl. Ægis 1983 var lýsing á Eyvindi Vopna NS 70 og sagði m.a:

19. apríl s.l. afhenti Vélsmiðja Seyðisfjarðar h.f., Seyðisfirði, nýtt 178 rúmlesta tveggja þilfara stálfiskiskip, sem hlotið hefur nafnið Eyvindur Vopni NS-70. Skipið, sem er hannað hjá Vélsmiðju Seyðisfjarðar er nýsmíði nr. 17 hjá stöðinni og 12. fiskiskipið sem stöðin smíðar og þriðja í röð tveggja þilfara fiskiskipa.

Borið saman við síðustu nýsmíði stöðvarinnar, Otto Wathne NS (afhent í apríl ’81) þá er Eyvindur Vopni mjög hliðstæður að byggingarlagi og fyrir- komulagi en er talsvert stœrra skip, um 3.5 m lengra, 40 cm breiðara og 15 cm dýpra að efra þilfari.

Aðalvél skipsins er frá öðrum framleiðanda og mun aflmeiri en í fyrrnefndu skipi, en helztu frávik á vélbúnaði að öðru leyti eru þau, að í skipinu er búnaður til svartolíubrennslu og öxulrafall. Svartolíubúnaður er nýmœli í ekki stœrra skipi og er þetta minnsta fiskiskip flotans með slíkum búnaði.
Eyvindur Vopni NS er í eigu Kolbeinstanga h.f. á Vopnafirði.

Skipstjóri á skipinu er Sverrir Guðlaugsson og 1. vélstjóri Sveinbjörn Sigmundsson. Framkvœmdastjóri útgerðar er Pétur Olgeirsson.

1629. Farsæll SH 30 ex Klængur ÁR 2. Ljósmynd Hólmgeir Austfjörð 2019.

Eyvindur Vopni NS 70 var gerður út frá Vopnafirði til vorsins 1995 þegar Meitillinn h/f í Þorlákshöfn keypti hann og nefndi Klæng ÁR 2.

Ári síðar, eða í mars 1996, var Klængur ÁR 2 seldur Farsæli h/f í Grundarfirði og fékk hann þá það nafn sem hann ber enn þann dag í dag. Þ.e.a.s Farsæll SH 30 og var hann samkvæmt frétt í DV áttundi báturinn í eigu útgerðarinnar sem bar þetta nafn.

Árið 2012 kaupir FISK-Seafood ehf. útgerðina og gerir Farsæl SH 30 út til togveiða.

Með því að smella á myndirnar er hægt að skoða þær í hærri upplausn.