BBC Portugal í höfn á Húsavík 2008

BBC Portugal ex Mareike B. Ljósmynd Hafþór Hreiðarsson 2008.

Flutningaskipip BBC Portugal kom til Húsavíkur með áburðarfarm í marsmánuði 2008.

BBC Portugal hét áður Mareike B og var smíðað árið 2001. Það er 2.545 GT að stærð. Lengdin er 86 metrar og breidd þess er 12 metrar.

Skipið hét Mareike B þegar til 2002 þegar það fékk nafnið BBC Portugal sem það hét til ársins 2012 að það fékk aftur sitt fyrra nafn.

Skipið heitir Bernarnda í dag og siglir undir fána Panama.

BBC Portugal ex Mareike B. Ljósmynd Hafþór Hreiðarsson 2008.

Með því að smella á myndirnar er hægt að skoða þær í hærri upplausn.

Reynir GK 355

733. Reynir GK 355 ex Siggi Magg GK 355. Ljósmynd Hafþór Hreiðarsson 2008.

Reynir GK 355 kemur hér til hafnar í Grindavík á vetrarvertíðinni 2008.

Báturinn hét upphaflega Reynir VE 15, smíðaður í Danmörku árið 1958. Hann var 71 brl. að stærð.

Síðar hét hann Reynir ÁR 18, Reynir GK 47, Siggi Magg GK 355 og að lokum Reynir GK 355.

Með því að smella á myndina er hægt að skoða hana í hærri upplausn.

Ósk KE 5

1855. Ósk KE 5 ex Hafnarberg RE 404. Ljósmynd Hafþór Hreiðarsson 2008.

Ósk KE 5 var smíðuð í Póllandi 1988 og hét upphaflega Skálavík SH 208.

Báturinn hét síðar Sigurbára VE 249, Sigurbára II VE 248, Sæfari ÁR 117, Hafnarberg RE 404 Ósk KE 5 og núverandi nafn er Maggý VE 108.

1855. Ósk KE 5 ex Hafnarberg RE 404. Ljósmynd Hafþór Hreiðarsson 2008.

Með því að smella á myndirnar er hægt að skoða þær í hærri upplausn.

Slippurinn Akureyri annast framleiðslu og uppsetningu á vinnsludekki í nýjan frystitogara Nergård Havfiske

Ljósmynd slipp.is

Slippurinn Akureyri hefur gengið frá samningi um hönnun, framleiðslu og uppsetningu á vinnsludekki um borð í nýjan frystitogara norsku útgerðarinnar Nergård Havfiske.

Frá þessu segir á nýrri heimasíðu fyrirtækisins:

Norska skipasmíðastöðin Vard sér um smíði á skipinu og mun Slippurinn hafa yfirumsjón með vinnsludekkinu og býður upp á heildarlausn ásamt undirvertökum eins og Intech, Marel, Baader og Holmek.


„Samningurinn við Nergård Havfiske er stærsti einstaki samningurinn sem Slippurinn hefur gert sem snýr að vinnsludekki eins fiskiskips og er mikil viðurkenning fyrir okkur á allan hátt.

Við höfum verið í mikilli sókn á markaði fyrir vinnslubúnað í fiskiskip og
landvinnslur á undanförnum árum og erum við mjög ánægð með að Nergård hafi valið okkur í þetta verkefni“ segir Eiríkur S. Jóhannsson framkvæmdarstjóri Slippsins á Akureyri.


Skipið er 80 metrar að lengd og 17 metrar að breidd og mun vinnsludekkið vera með vinnslulínu fyrir bæði bolfisk og rækju. Áætlað er að hið nýja fiskiskip verði tilbúið til veiða í febrúar á næsta ári.

Á undaförnum fimm árum hefur Slippurinn afhent sex millidekk í frystitogara, flest þessara verkefna eru unnin með félögum tengdum Samherja. Sú mikla þekking sem Samherji býr yfir við fiskveiðar og vinnslu hefur stórelft allar lausnir sem Slippurinn býður nú uppá og hafa þessar lausnir vakið mikla eftirtekt í alþjóðlegum sjávarútvegi.

Í þessu sambandi nægir að nefna að árið 2017 afhenti Slippurinn vinnsludekk í frystitogaranna Berlin NC 105 og Cuxhaven NC 100 fyrir Deutsche Fischfang Union og hefur reynsla útgerðarinnar af þessum millidekkjum verið sérstaklega góð.

Einnig má nefna að Slippurinn hefur einnig tekið að sér framleiðslu og umsjón á milldekkjum fyrir ísfisktogara. Slippurinn tók að sér umsjón með heildarlausn á vinnsludekki í ísfisktogarann Björg EA 7 fyrir Samherja í fyrra og hefur aflinn og aflameðferðin í skipinu verið fyrsta flokks.


„Þau verkefni sem við höfum verið að vinna að á undaförnum árum hafa komið gríðarlega vel út. Við höfum þróað okkar búnað og lagt meiri áherslu en áður að bjóða upp á heildarlausnir til okkar viðskiptavina. Þessi samningur við Nergård og Vard er því góður vitnisburður um þá jákvæðu þróun sem hér hefur átt sér stað og klár gæðastimpill fyrir Slippinn og okkar góða starfsfólk“ segir Eiríkur í viðtali við heimasíðuna.

English version