Sæunn ÞH 22 í kvöldsólinni

7158. Sæunn ÞH 22 ex Þyrí. Ljósmynd Hafþór Hreiðarsson 2021.

Sæunn ÞH 22 lætur hér úr höfn á Húsavík í kvöld en hún er í eigu Sævars Guðbrandssonar og er af Sómagerð.

Hét áður Þyrí og var smíðuð í Bátasmiðju Guðmundar árið 1989 en hefur verið í eigu Sævars frá árinu 1991. Skráð sem skemmtibátur í dag.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Ver RE 112

357. Ver RE 112 ex Svavar Steinn GK 206. Ljósmynd Hafþór Hreiðarsson.

Ver RE 112 var síðasta nafn þessa báts sem upphaflega hét Breiðfirðingur SH 101 og var smíðaður í Danmöfku árið 1955.

Breiðfirðingur var 28 brl. að stærð búinn 140 hestafla Hundestad díeselvél. Hann var smíðaður fyrir ArnarSigurðsson, Kristján Guðmundsson og Rögnvald Ólafsson á Hellisandi.

Báturinn var seldur til Reykjavíkur vorið 1963, hélt nafni sínu en varð RE 262. 1966 var skiptum vél og kom 150 hestafla Gardner i stað þeirrar sem fyrir var. Sama ár var báturinn endurmældur og varð við það 29 brl. að stærð.

Vorið 1972 var báturinn seldur í Garðinn þar sem hann fékk nafnið Þorkell Árnason GK 21. Aftur var báturinn endurmældur árið 1973 og fór við það í gamla farið, þ.e.a.s varð 28 brl. að stærð.

Sumarið 1974 var báturinn aftur seldur til Reykjavíkur þar sem hann fékk nafnið Oddrún RE 126. Til Suðurnesja fór hann aftur árið 1976, Keflavík varð heimahöfn hans og nafnið Þorsteinn KE 10. Heimild Íslensk skip

Í desember 1998 fær báturinn nafnið Svavar Steinn KE 76 sem breyttist fljótt í GK 206 og heimahöfnin varð Sandgerði.

Það var svo vorið 2001 sem báturinn fékk nafnið Ver RE 112 en 1991 hafði verið sett í hann 240 Kw. Caterpillarvél.

Árið 2003 er báturinn kominn í núllflokk hjá Fiskistofu og varð hann að langlegubát í Reykjavíkurhöfn þar sem hann átti það til að sökkva. Amk. árið 2010 og 2012.

Ver RE 112 var tekinn af skipaskrá vorið 2015.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Jeanette við Bökugarðinn

IMO 9357509. Jeanette ex Jeannette. Ljósmynd Hafþór Hreiðarsson 2021.

Flutningaskipið Jeanette kom til Húsavíkur í morgun með hráefnisfarm fyrir kísilver PCC á Bakka.

Skipið var smíðað árið 2007 og bar nafnið Anet fyrstu tvö árin og síðan Jeannette í ár en frá árinu 2001 það nafn sem það ber á myndinni.

Skipið, sem siglir undir hollenskum fána, er 110 metra langt, breidd þess er 14 metrar og það mælist 3990 GT að stærð.

Með því að smella á myndina er hægt að skoða hana í hærri upplausn.

By clicking on the images you can view them in higher resolution