Hér gefur að líta þrjá fagurrauða smábáta í Hafnarfjarðarhöfn um 1990 og allir voru þeir smíðaðir þar í bæ.
Næstur bryggjunni er Aron HF 555 sem upphaflega hét Aron ÞH 105 og smíðaður fyrir Guðmund A. Hólmgeirsson á Húsavík árið 1971.
Næstur kemur Faxaberg HF 104 sem var smíðaður árið 1972 fyrir Guðmund Ragnarsson og Hrein Björgvinsson á Vopnafirði. Báturinn hét upphaflega Rita NS 13 en báðir þessir bátar voru smíðaðir í Bátalóni hf. í Hafnarfirði.
Þriðja bátinn og þann sem liggur ystur í röðinni smíðaði Jóhann L. Gíslason í bátasmiðju sinni. Upphaflega hét hann Unnur EA 87 og var smíðaður árið 1971 fyrir Harald Jóhannsson í Grímsey.
Allir voru bátarnir smíðaðir úr furu og eik og mældust 10-11 brl. að stærð. Allir bátarnir þrír voru teknir af skipaskrá árið 1992. Heimildir: aba.is
Skipamyndir Hafþórs Hreiðarssonar 