Skoska uppsjávarveiðiskipið Christina S FR 224 hefur fengið nafnið Margrét EA 710 samkvæmt Íslenskri skipaskrá og skipaskrárnúmerið 3038.
Maggi Jóns tók þessa mynd af skipinu í dag þar sem það var við Skarfabakka í Sundahöfn í Reykjavík.
Skipið, sem var með heimahöfn í Fraserburg, mælist 2,411 GT að stærð. Lengd þess er 72 metrar og breiddin 15 metrar.
Skrokkur skipsins var smíðaður árið 2007 í Sevastopol í Úkraníu. Þaðan var hann dreginn til Noregs þar sem Fitjar Mek. Verksted A/S kláraði smíði skipsins og afhenti skosku útgerðinni árið 2008.
Sú útgerð er nú með nýtt skip í smíðum hjá Karstensens Skibsværft í Skagen í Danmörku og verður það afhent síðar á þessu ári.
Hér má lesa frétt um Margréti EA 710 af vef Samherja
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 