Ísfélag Vestmannaeyja og Rammi stefna að sameiningu

2917. Sólberg ÓF 1 flaggskip Ramma hf. Ljósmynd Hafþór Hreiðarsson 2017.

Stjórnir Ísfélags Vestmannaeyja hf. og Ramma hf. í Fjallabyggð hafa skrifað undir samkomulag um samruna félaganna. Sameinað félag mun heita Ísfélagið hf.

Þetta kemur fram í fréttatilkynningu sem félögin sendu frá sér í kvöld.

Forsvarsmenn félaganna tveggja eru sammála um að mörg tækifæri séu í fólgin í sameiningu Ísfélags Vestmannaeyja hf. og Ramma hf., m.a. til sóknarfæra og til að styrkja rekstrargrundvöll þeirra til framtíðar.

Heildaraflahlutdeild sameinaðs félags verður tæplega 8% af úthlutuðu aflamarki. Samanlögð velta félaganna var um 28 milljarðar króna á árinu 2021. Sameinað fyrirtæki verður betur í stakk búið til að takast á við áskoranir og tækifæri í rekstri og styrkir samkeppnisstöðu þess á alþjóðlegum mörkuðum. Stjórnir félaganna eru sammála um að stefnt skuli að því að skrá sameinað félag, Ísfélagið hf., á hlutabréfamarkað sem veitir tækifæri til frekari vaxtar.

Ísfélag Vestmannaeyja hf. gerir út fjögur uppsjávarskip, tvö bolfiskskip og einn krókabát. Félagið er með starfsstöðvar í Vestmannaeyjum og á Þórshöfn og rekur frystihús og fiskimjölsverksmiðju á báðum stöðum.

Rammi hf. gerir út fjögur fiskiskip frá Fjallabyggð og Þorlákshöfn og starfrækir fiskvinnslu í Þorlákshöfn og rækjuverksmiðju í Fjallabyggð. Dótturfélög Ramma hf. eru sjávarlíftæknifélagið Primex hf., sem rekur kítósanverksmiðju á Siglufirði og Arctic Seafood Ltd. sem er sölufyrirtæki Ramma í Bretlandi.

Stærstu hluthafar sameinaðs félags verða: ÍV fjárfestingarfélaga ehf., Marteinn Haraldsson ehf., Gunnar Sigvaldason, Svavar Berg Magnússon og munu fara með samtals 83%.

Ráðgert er að Stefán Friðriksson, núverandi framkvæmdastjóri Ísfélags Vestmannaeyja hf., stýri hinu sameinaða félagi, með aðsetur í Vestmannaeyjum og Ólafur H. Marteinsson, núverandi framkvæmdastjóri Ramma hf., verði aðstoðarframkvæmdastjóri með aðsetur í Fjallabyggð.

Skrifað er undir samkomulagið með fyrirvara um samþykki Samkeppniseftirlitsins og hluthafafunda félaganna.

2883. Sigurður VE 15 flaggskip Ísfélags Vestmannaeyja hf. Ljósmynd Guðmundur Rafn Guðmundsson 2015.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s