Margrét SU 4 kemur hér til hafnar í Sandgerði fyrir helgi og var að ég held að koma úr slipp í Njarðvík.
Báturinn var smíðaður hjá Skipasmíðastöð Austfjarða hf. á Seyðisfirði árið 1971 og hét Sæþór SU 175 með heimahöfn á Eskifirði. Hann var seldur til Hornafjarðar árið 1994, hélt nafni en varð SF 244.
Stefán Stefánsson keypti bátinn til Dalvíkur í lok árs 1999 og nokkru síðar fékk hann nafnið Búi EA 100. Á Dalvík var m.a skipt um stýrishús á Búa sem fékk nafnið Gói ÞH 25.
Árin 2009-2011 hét báturinn Viktor EA 71 og var gerður út í ferðaþjónustu frá Dalvík.
Það var svo árið 2011sem báturinn fékk Margrétarnafnið, var KÓ 44 2011-2013, GK 16 2013 og frá árinu 2014 SU 4.
Það er Háeyri ehf. sem geri bátinn út en hann er tæplega 15 BT að stærð, skráður með heimahöfn á Stöðvarfirði.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 