Rækjufrystitogarinn Ísbjörn ÍS 304 frá Ísafirði kom til hafnar á Húsavík um miðjan janúar 2013 og þá var þessi mynd tekin.
Það voru Rækjuvinnslan Kampi og útgerðarfélagið Birnir sem áttu skipið og gerðu út í nokkur ár.
Ísbjörn, sem er 1103 GT að stærð, var smíðaður í Noregi árið 1984, fyrir grænlenska útgerð og fékk nafnið Vilhelm Egede.
Ljósavík hf. í Þorlákshöfn keypti hann til Íslands haustið 1996 og fékk hann nafnið Gissur ÁR 2. Tæpu ári síðar var nafni hans breytt í Hersir ÁR 2.
Árið 1999 var togaranum flaggað út og fékk hann nafnið Borgin, síðar Fame og aftur Borgin. Undir því nafni hafði togarinn legið í nokkur ár í Reykjavíkurhöfn þegar hann var seldur til Ísafjarð í árslok 2011 og fékk það nafn sem hann ber á myndinni.
Hann ber reyndar þetta nafn enn þann dag í dag og er skráður í Namibíu með heimahöfn í Walvis Bay.
Síðast sá ég hann við Vigoflóa haustið 2016.
Með því að smella á myndina er hægt að skoða hana í hærri upplausn.
By clicking on the images you can view them in higher resolution.
Skipamyndir Hafþórs Hreiðarssonar 