Þessi mynd var tekin á Akureyri í gær og sýnir tvo strandveiðibáta en eins og áður hefur komið hér fram hófst strandveiðitímabilið í gær.
Á vef Landssambands smábátaeigenda segir í dag:
Samkvæmt upplýsingum frá Fiskistofu eru alls 470 bátar komnir með virk leyfi til strandveiða. Af þeim komust 132 í róður í gær á fyrsta degi veiðanna og lönduðu alls 90 tonnum.
Á sama tíma í fyrra viðraði afar vel þar sem 233 bátar lönduðu alls 164 tonnum eftir daginn. Þá höfðu verið gefin út 434 leyfi.
Litlar breytingar voru á aflatölum hvers báts milli ára nema á svæði B þar sem þær fóru úr 650 kg niður í 475 kg.
Eins og á undanförnum árum eru flestir með leyfi á svæði A, 244 bátar sem er fjölgun um 56 frá í fyrra. Á svæði B hafa 77 bátar fengið leyfi, 59 á svæði C og 90 á svæði D eða 31 færri en við upphaf veiða árið 2021.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 