Það er mikið um að vera í Grindavíkurhöfn þessa dagan en litlu línubátarnir eru að mokveiða skammt undan landi.
Þeir djöflast við að ná sem flestum róðrum áður en fiskurinn hverfur af svæðinu í byrjun maí sem er jafnvíst og að á eftir degi komi nótt.
Á þessari mynd sem Jón Steinar tók um helgina má sjá línubátinn Sævík GK 757 á útleið og grásleppubátinn Garp RE 148 á landleið.
Á milli þeirra sést svo frystitogarinn Blængur NK 125 koma á fullu ferðinni inn á Járngerðarstaðasundið með léttabátinn tilbúinn á síðunni en verið var að sækja mann úr landi.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 