Sæþór SF 244 liggur hér við legufæri á Höfn í Hornafirði sumarið 1996.
Við bryggju eru fv. Hafdís SF 75, Þórir II SF 777, Hvanney SF 51 og Sigurður Ólafsson SF 44 sem er eini báturinn á myndinni sem enn er gerður út frá Hornafirði.
Báturinn var smíðaður hjá Skipasmíðastöð Austfjarða hf. á Seyðisfirði árið 1971 og hét Sæþór SU 175 með heimahöfn á Eskifirði. Hann var seldur til Hornafjarðar árið 1994, hélt nafni en varð SF 244.
Stefán Stefánsson keypti bátinn til Dalvíkur í lok árs 1999 og nokkru síðar fékk hann nafnið Búi EA 100.
Meira um bátinn kemur síðar en hann heitir Margrét SU 4 í dag.
Með því að smella á myndina er hægt að skoða hana í hærri upplausn.
By clicking on the images you can view them in higher resolution.
Skipamyndir Hafþórs Hreiðarssonar 
Þetta voru góðir bátar sem Ernst Petersen og hans menn í Skipasmíðastöð Ausfjarða byggðu en þeir voru nokkuð margir,ég réri á 1 þeirra og líkaði vel við hann.
Líkar viðLíkar við