Bryndís SI 14

Bryndís SI 14 hét upphaflega Hugrún NS 7 og var smíðuð í Dráttarbrautinni hf. á Neskaupstað.

Smíðaár Hugrúnar er 1974 en 1976 kaupir Ísak Aðalsteinsson bátinn af Dráttarbrautinni.

Ári síðar er báturinn seldur suður í Hafnir og lét kaupandinn, Þórarinn Sigurðsson, bátinn halda nafni sínu en hann varð GK 26.

Kristján Þorleifsson í Bolungarvík kaupir, bátinn, sem var 4,45 brl. að stærð, árið 1979 og nefnir hann Ölver ÍS 49.

Haustið 1987 kaupir Guðjón Sævar Jónsson bátinn til Siglufjarðar og hann fær það nafn sem hann ber á myndinni. Heimild. Íslensk skip

Báturinn endaði á áramótabrennu Siglfirðinga en hvaða ár er ég ekki með á hreinu.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.