Landað úr Laxinum

5920. Laxinn ÞH 177 ex GK 177. Ljósmynd Hafþór Hreiðarsson 2021.

Á þessari mynd sem tekin var við Húsavíkurhöfn síðdegis í dag er verið að landa úr Laxinum ÞH 177 sem Reynir Hilmarsson stýrir.

Búið að landa úr Óskinni og Sigurður að þrífa en Smyrill bíður þess að komast undir kranann. Ef grannt er skoðað má sjá skipperinn á Smyrli á krananum við Laxinn.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Særún EA 251

2711. Særún EA 251 ex Elli P SU 206. Ljósmynd Hafþór Hreiðarsson 2021.

Særún EA 251 kemur hér til hafnar á Árskógssandi í gærmorgun en hún er á handfæraveiðum.

Báturinn, sem er af gerðinni Siglufjarðar-Seigur, var smíðaður á Siglufirði árið 2007 og hét upphaflega Lúkas ÍS 71 og var í eigu Álfsfells ehf. á Ísafirði. 

Síðar, eða árið 2011, fær hann nafnið Maggi Jóns KE 77 og 2015 Elli P SU 206 frá Breiðdalsvík.

Haustið 2018 var Særún EA 251 (2651) seld til Breiðdalsvíkur og Sólrún ehf. á Árskógssandi tók Ella P upp í kaupin. Við það fékk báturinn nafnið Særún EA 251.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Rósborg SI 29

6579. Rósborg SI 29 ex Rósborg ÍS 29. Ljósmynd Hafþór Hreiðarsson 2021.

Strandveiðibáturinn Rósborg SI 29 kemur hér úr róðri í gær Ólafur Baldur Gunnarsson gerir hann út frá Siglufirði.

Rósborg hét upphaflega Silvía HF 152 og var smíðaður hjá Trefjum í Hafnarfirði árið 1984.

Árið 1998 var hann keyptur til Suðureyrar við Súgandafjörð þar sem hann fékk nafnið Rósborg ÍS 29.

Árið 2020 var Rósborg seld Siglufjarðar og var SI 29.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution