Helga Sæm ÞH 70 gerði það gott á grásleppunni í vor en hér er hún að koma að landi á Kópskeri í aprílmánuði þessa árs.

Helga Sæm ÞH 70 er í eigu Helgu ÞH ehf. sem gert hefur bátinn út frá árinu 2015 en heimahöfn hans er Kópasker.

Báturinn, sem er 8 brl. að stærð, hét upphaflega Jakob Valgeir ÍS 84 frá Bolungarvík og var smíðaður árið 2000 fyrir Hrönn ehf. í Bátastöðinni Knörr á Akranesi.

Í janúar árið 2005 fékk báturinn nafnið Guðný ÍS 84 og síðar Bensi EA 125, Bensi ÍS 225 og Garðar ÍS 225. Báturinn fékk nafnið Borgin ÞH 70 veturinn 2015 eftir að Hjalti Hálfdánarson eignaðist hann í skiptum fyrir Þingey ÞH 51 og um sumarið var hann seldur til Kópaskers þar sem hann er enn.

Með því að smella á myndina er hægt að skoða hana í hærri upplausn.

By clicking on the images you can view them in higher resolution