Snæfugl SU 20 á Eyjafirði um árið

Þessar myndir af Snæfugli SU 20 tók ég í ágústmánuði 2003 en skipið hafði verið að taka fisk úr kvíum neðan Víkurskarðs fyrr um daginn.

Upphaflega hét skipið Börkur NK 122 frá Neskaupstað, smíðaður í Noregi árið 1966. Hann átti síðar eftir að heita nokkrum nöfnum áður en honum var breytt í brunnbát í Póllandi árið 2003.

Á mbl.is mátti lesa eftirfarandi frétt 15. apríl það ár:

Snæ­fugl SU-20 lagði af stað til Nes­kaupstaðar frá Póllandi á sunnu­dag­inn. Snæ­fugl hét áður Guðmund­ur Ólaf­ur II ÓF 40, en skip­inu hef­ur nú verið breytt í brunn­bát til flutn­ings á laxi fyr­ir Sæsilf­ur í Mjóaf­irði. Snæ­fugl er vænt­an­leg­ur til Nes­kaupstaðar á föstu­dag­inn og verður til sýn­is laug­ar­dag­inn 19. apríl, kl. 14.

Mikl­ar breyt­ing­ar voru gerðar á skip­inu í Póllandi, enda var þetta hefðbundið nóta­veiðiskip sem nú hef­ur verið breytt í sér­út­búið skip til flutn­ings á lif­andi fiski. Koma Snæ­fugls mark­ar tíma­mót í út­gerðar­sögu Íslend­inga þar sem hér er um að ræða fyrsta sér­út­búna skipið til flutn­ings á lif­andi fiski sem Íslend­ing­ar eign­ast.

Snæfugl SU 20 var seldur til Noregs árið 2008 og fékk nafnið Sørdyrøy. Hann er enn að sem brunnbátur og kom m.a til Íslands á þessu ári.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution