Sæbjörg EA 184 frá Grímsey var að netaveiðum innarlega á Eyjafirði í morgun og var þessi mynd tekin þegar hún kom að landi á Akureyri.
Þeir voru með um þrjú tonn af þorski kallarnir, í fjórar trossur.
Sæbjörg EA 184 hét upphaflega Magnús Guðmundsson ÍS 97 frá Flateyri en síðar Máni HF 149, Vébjörn ÍS 301 og Linni SH 303 áður en Sæbjörg ehf. keypti bátinn árið 2006.
Það hefur teygst töluvert á bátnum í tvígang, hann var fyrst lengdur árið 1994 og aftur 1996. Báturinn, sem mælist tæplega 35 brúttótonn að stærð var smíðaður hjá skipasmíðastöðinni Herði í Njarðvík árið 1990.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 