Wilson Mersin í höfn á Húsavík

Í morgun kom flutningaskipið Wilson Mersin til hafnar á Húsavík eftir siglingu frá Grundartanga.

Skipið lagðist að Bökugarðinum þar sem fljótlega var hafist handa við að skipa út afurðum frá PCC á Bakka.

Wilson Mersin var smíðað árið 1981 og siglir undir kýpverskum fána með heimahöfn í Limassol.

Það mælist 3,937 GT að stærð, er 107 metra langt og 15 metra breitt.

Það hét upphaflega Ramnes en hefur heitið nöfnunum, Eemnes, Raknes og aftur Ramnes áður en það fékk núverandi nafn árið 2004.

Með því að smella á myndina er hægt að skoða hana í hærri upplausn.