Lýtingur NS 250

972. Lýtingur NS 250 ex Stjörnutindur SU 159. Ljósmynd Hafþór Hreiðarsson 1989.

Þessar myndir af Lýtingi NS 250 frá Vopnafirði voru teknar vorið 1989 en þá vorum við á Geira Péturs ÞH 344 samskipa honum áleiðis til Íslands eftir söluferð til Hull.

Sigurgeir Pétursson frændi minn var með Lýting og má sjá honum bregða fyrir í brúnni.

Tangi h/f á Vopnafirði keypti bátinn frá Djúpavogi í ársbyrjun 1988 en þar hét hann Stjörnutindur SU 159. Tangi setti gamla Lýting upp í kaupin en hann hét upphaflega Gissur ÁR 6 hér á landi og var 138 brl. að stærð.

Lýtingur NS 250 var 214 lesta bátur byggður í A-Þýskalandi árið 1965 en yfirbyggður og mikið endurbættur árið 1982. Hann hét upphaflega Þorsteinn RE 303 en heitir í dag Kristín GK 457 og er í eigu Vísis h/f í Grindavík.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Sæbjörg ST 7 á Húsavík

554. Sæbjörg ST 7 ex Fanney SH 24. Ljósmynd Hafþór Hreiðarsson 1993.

Hér er verið að landa rækju á Húsavík úr Sæbjörgu ST 7 frá Hólmavík sumarið 1993.

Sæbjörg ST 7 hét upphaflega Hávarður ÍS 160 og var smíðaður í Danmörku árið 1959 fyrir Ísver h/f á Suðureyri við Súgandafjörð.

Lesa má færslu um bátinn, sem var 76 brl. að stærð, hér.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Finnur Fríði kom með kolmunna til Fáskrúðsfjarðar

IMO 9279238. Finnur Fríði FD 86. Ljósmynd Óðinn Magnason 2020.

Færeyska uppsjávarveiðiskipið Finnur Fríði FD 86 kom til Fáskrúðsfjarðar í dag með tæp 2.200 tonn af kolmunna sem skipið fékk við Írland en hann kláraði þó túrinn við Færeyjar.

Finnur Fríði, sem er með heimahöfn í Götu, var smíðaður árið 2003 hjá Langsten Slip & Båtbyggeri A/S í Noregi. Hann er 76,43 metrar að lengd og 15 metra breiður. Hann mælist 2779 brúttótonn að stærð.

Óðinn Magnason á Fáskrúðsfirði tók þessar myndir sem nú birtast.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Nafni kemur að

6536. Nafni ÞH 32 ex Halldór Runólfsson NS 301. Ljósmynd Hafþór Hreiðarsson.

Hér koma feðgarnir á Nafna ÞH 32 að landi eftir línuróður, Jónas er greinilega með hann og Sigmar heitinn Kristjánsson út á dekki.

Nafni er af gerðinn Skel 86 frá Trefjum í Hafnarfirði og Sigmar og synir hans gerðu bátinn út í um tvö ár. Nafni ÞH er skráður undir þessu nafni á Fiskistofu frá 12. febrúar 1993 til ágústloka 1995 en bátinn keyptu þeir frá Bakkafirði þar sem hét hann Halldór Runólfsson NS 301.

Hér má lesa meira um Nafna.

Þess má geta að Jónas, sem búsettur hefur verið um árabil í Færeyjum, varð sí’ar skipstjóri m.a á Hafnarröst ÁR 250 og Grundfirðingi SH 24.

Með því að smella á myndina er hægt að skoða hana í hærri upplausn.

By clicking on the images you can wiew them in higher resolution

Tveir Reykjavíkurbátar á síldarmiðunum

972. Þorsteinn RE 303 – 1002. Gísli Árni RE 375. Ljósmynd Hreiðar Olgeirsson.

Hér má sjá tvo síldarbáta sem höfðu Reykjavík sem heimahöfn þegar myndin var tekin og annar þeirra miklu mun lengur.

Þriðji báturinn sem er lengst tv. gæti hafa verið í eigu Haraldar Böðvarssonar & co á Akranesi, Höfrungur III ?

Sá fjórði er eiginlega of langt til að nokkur maður, nema þá helst Óskar Franz, geti sagt hver hann var.

Báturinn sem siglir í átt að Dagfara ÞH, en þaðan var myndin tekin, er Þorsteinn RE 303 sem var einmitt systurskip Dagfara. Aftan við hann í bak er Gísli Árni RE 375. Þorsteinn heitir í dag Kristín GK 457 og er gerð út af Vísi hf. í Grindavík til línuveiða.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Kristinn HU 812

2860. Kristinn HU 812 ex Kristinn SH 812. Ljósmynd Jón Steinar 2020.

Jón Steinar tók þessar myndir í vikunni af línubátnum Kristni HU 812 koma til hafnar í Grindavík. aflinn var um 11 tonn.

Kristinn var smíðaður í Trefjum í Hafnarfirði árið 2010 og er af gerðinni Cleopatra 50.

Báturinn var smíðaður fyrir útgerðarfélagið Rederij Dezutter í Belgíu en Útgerðarfélagið Breiðavík ehf. í Snæfellsbæ keypti bátinn til landsins árið 2013.

Þá fékk hann nafnið Kristinn og var SH 812 með heimahöfn í Ólafsvík, síðar Rif og svo aftur Ólafsvík segir á vef Fiskistofu. Frá því í nóvember 2019 er Kristinn með heimahöfn á Skagaströnd og er HU 812. Sami eigandi.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Nótaviðgerð hjá Keflvíkingi

Gert við nótina hjá Keflvíkingi KE 100 í Grindavík. Ljósmynd Gunnar Hallgrímsson.

Þessar myndir tók móðurbróðir minn Gunnar Hallgrímsson um árið þegar hann var skipverji á loðnubátnum Keflvíkingi KE 100.

Þarna hafa kallarnir þurft að gera við loðnunótina eftir löndun en ég hygg að þetta sé á vormánuðum árið 1973. Amk. má sjá í Gjafar VE 300 á strandstað á sömu filmum.

Ekki þekki ég mennina á myndunum nema jú Guðmund Wium sem lengi var stýrimaður á Keflvíkingi.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Grásleppubáturinn Aþena ÞH 505 með fullfermi

2436. Aþena ÞH 505 ex Sigurvon ÞH 505. Ljósmynd Hafþór Hreiðarsson 2020.

Grásleppubáturinn Aþena ÞH 505 kom úr róðri í dag og aflinn góður, s.s fullur bátur sem eru c.a sex til sex og hálft tonn.

Aþena er eini báturinn frá Húsavík sem lagt hefur grásleppunetin enn sem komið er en leggja mátti netin 10. mars sl. sem er tíu dögum fyrr en verið hefur. Kallarnir á Aþenu lögðu netin 19. mars eftir að hafa verið klárir með þau um borð í hartnær viku tíma en ekki lagt vegna veðurs.

Að sögn Stefáns Guðmundssonar skipstjóra hefur grásleppuvertíðin farið erfiðlega af stað. Afleitt tíðarfar og stöðugt verið að sæta lagi á milli stórviðra; þó mest undanfarið ákveðins sunnan sperrings sem hefur gert þeim lífið leitt – þótt öllu jafna fagni menn hér suðlægum áttum, en hæglátari þó.

Aðspurður um aflabrögð segir Stefán þau góð. „Undanfarnar vertíðar hefuraflainn reyndar alltaf verið góður í byrjun undanfarnar vertíðir og misjafnt hvenær hann svo lætur undan; oftast dalar hann svo eftir fyrstu tvær vikurnar og yfirleitt jöfnum höndum eftir því sem fleiri bátar mæta á miðin“ segir Stefán.

Hann segir grásleppuna vel haldna en óvenju mikið er um rauðmaga þessa fyrstu daga á móti sáralitlum rauðmaga í upphafi síðustu vertíðar.

„Við sáum veðurglugga fyrir þennan róður og fórum út kl. 4 í nótt, og byrjuðum að draga við fyrstu skímu. Veiðin hefur verið nokkuð köflótt á milli daga og staða en góður reitingur allsstaðar. 

Grásleppan er enn að skríða inná slóðina, byrjar dýpra og fikrar sig svo upp þegar henni finnst aðstæður heppilegar. Hún stendur enn nokkuð djúpt eins og vant er á þessum árstíma og mun ákveðnar þegar umhleypingarnir eru miklir. 

Þessi tiltekni róður var líklega sá besti enn sem komið er hjá okkur og afar ánægjulegur. Áhöfnin sem ég er með er algerlega til fyrirmyndar í alla staði; þaulvanir jaxlar og toppmenn frá A-Ö“ sagði Stefán í bryggjuspjalli í dag.

Aþena fór í breytingar hjá Trefjum í Hafnarfirði í vetur sem Stefán lýsir svo:

„Báturinn fór til Trefja ( framleiðandi bátsins ) í Hafnarfirði í byrjun desember í 20 ára allsherjarklössun.  Ný aðalvél, gír, öxull og skrúfa.  Nýir síðustokkar. Málaður utan sem innan og lagfært hér og þar sem þurfti þ.m.t. miðstöðvarkerfi, ljósabúnaður ofl. ofl.  

Niðurstaðan úr þessar klössun er á þá leið að báturinn er nánast eins og úr kassanum núna.  Gengur helmingi meira en hann gerði áður, og gerir lífið skemmtilegra fyrir mig, áhöfnina og fyrirtækið.  Hentar okkur afskaplega vel í þau verkefni sem á hann eru sett og leysir þau af stakri prýði“ Sagði Stefán að lokum. 

2436. Aþena ÞH 505 ex Sigurvon ÞH 505. Ljósmynd Hafþór Hreiðarsson 2020.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Þinganes á Selvogsbanka

2970. Þinganes SF 25. Ljósmynd Þór Jónsson 2020.

Þór Jónsson skipverji á Ljósafelli SU 70 tók þessar myndir í gær af Þinganesinu nýja á Selvogsbanka.

Ljósafellið var nýlagt af stað til löndunar í Þorlákshöfn og Þinganesið kom þangað rétt á eftir þeim.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Geiri Péturs ÞH 344

1207. Geiri Péturs ÞH 344 ex Sigurbergur GK 212. Ljósmynd Hreiðar Olgeirsson 1982.

Geiri Péturs ÞH 344 á siglingu á Breiðafirði á vetrarvertíðinni 1982. Geiri Péturs var gerður út af Korra h/f á Húsavík en lagði upp hjá fiskverkunninni Hróa í Óafsvík á meðan verið var við veiðar á Breiðafirði.

Geiri Péturs ÞH 344 var smíðaður í Slippstöðinni á Akureyri 1971 eftir teikningu Hjálmars R. Bárðarsona og hét upphaflega Sigurbergur GK 212.

Smíðinni var þó þannig háttað að Slippstöðin smíðaði skrokk og yfirbyggingu bátsins. Hann var síðan dreginn suður til Hafnarfjarðar þar sem smíði hans var lokið árið 1972 hjá skipasmíðastöðinni Dröfn h/f.

Sigurbergur var keyptur til Húsavíkur í ársbyrjun 1980 og fékk nafnið Geiri Péturs en lesa má nánar um hann hér

Með því að smella á myndina er hægt að skoða hana í hærri upplausn.

By clicking on the images you can view them in higher resolution