Hér kemur Kristbjörg ÞH 44 úr sinni síðustu veiðiferð vorið 1997 en báturinn var aðallega gerður út á rækju.
Karl faðir minn, Hreiðar Olgeirsson, var skipstjóri á bátnum og þarna var hann að ljúka sínum ferli sem sjómaður á fiskiskipi.
Fyrirtækið Korri ehf., sem gerði Kristbjörgina út, var selt skömmu seinna og síðar á árinu var báturinn seldur til Sauðárkróks þar sem hann fékk nafnið Röst SK 17.
Pabbi átti reyndar eftir að róa aðeins á trillu sem hann keypti auk þess sem hann fór á eina grásleppuvertíð vorið 2002 með Heimi Bessasyni á Össuri ÞH 242.
Þarna var sjómannsferillinn orðinn nokkuð langur en fyrsta skipsrúmið sem hann var skráður í var á V/S Þór árið 1959.
Um sumarið 2002 réðst hann til Norðursiglingar þar sem hann starfaði sem skipstjóri á sumrum og yfir veturinn við viðhald báta fyrirtækisins.
Hjá Norðursiglingu var hann í vel á annan áratug eða þar til hann lét af störfum vegna veikinda.
Í dag er afmælisdagur pabba, hann hefði orðið áttræður ef honum hefði auðnast lengra líf en hann lést 18. janúar árið 2016.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 
Fallegt skip með góða og langa sögu hér.
Líkar viðLíkar við