Myndir af skipum og bátum – Photographs of ships and boats, mostly from Iceland
971. Eldeyjar Boði GK 24 ex Boði GK 24. Ljósmynd Tryggvi Sigurðsson. Eldeyjar Boði GK 24 hét upphaflega Guðrún Guðleifsdóttir ÍS 102 og var smíðaður fyrir Miðfell hf. í Hnífsdal árið 1965. Smíðin fór fram í skipasmíðastöðinni V.e.b Elbewerft í Boizenburg í A-Þýskalandi. Báturinn var sá fjórði sem kom í fyrri seríunni sem taldi tíu … Halda áfram að lesa Eldeyjar Boði GK 24
971. Aðalvík KE 95 ex Eldeyjarboði GK 24. Ljósmynd Hafþór Hreiðarsson. Aðalvík KE 95 liggur hér við bryggju í Njarðvík um árið og sjá má glitta í Njarðvík KE 93 fyrir aftan hana. Við hina bryggjuna er Ágúst Guðmundsson GK 95. Aðalvík var smíðuð í Boizenburg í Þýskalandi árið 1965 og hét upphaflega Guðrún Guðleifsdóttir … Halda áfram að lesa Aðalvík KE 95
2991. Jökull ÞH 299 ex ex Nanoq GR 1-1. Ljósmynd Hafþór Hreiðarsson 2025. Jökull ÞH 299 hélt til veiða frá Húsavík í kvöld eftir Sjómannadagsfrí en báturinn stundar grálúðuveiðar í net. Spáin frekar leiðinleg og kallarnir fengu norðanáttina beint í nefið. Jökull var smíðaður í Noregi árið 1996 og er 962 GT að stærð. Lengd hans er 44 … Halda áfram að lesa Jökull hélt til veiða í kvöld
7865. Villi Páls. Ljósmynd Hafþór Hreiðarsson 2025. Hér er björgunarskipið Villi Páls í skemmtisglingu í gær, Sjómannadaginn en hann er í eigu Björgunarsveitarinnar Garðars á Húsavík. Með því að smella á myndina er hægt að skoða hana í hærri upplausn. By clicking on the images you can view them in higher resolution
Bátar fánum prýddir í Húsavíkurhöfn. Ljósmynd Hafþór Hreiðarsson 2025. Með þessari mynd sendi ég sjómönnum og fjölskyldum þeirra hamingjuóskir í tilefni Sjómannadagsins. Með því að smella á myndina er hægt að skoða hana í hærri upplausn. By clicking on the images you can view them in higher resolution.
2860. Kristinn HU 812 ex Kristinn SH 812. Ljósmynd Jón Steinar 2025. Jón Steinar tók þessar myndir af línubátnum Kristni HU 812 koma til hafnar í Grindavík í gær. Kristinn var smíðaður í Trefjum í Hafnarfirði árið 2010 og er af gerðinni Cleopatra 50. Báturinn var smíðaður fyrir útgerðarfélagið Rederij Dezutter í Belgíu og hét upphaflega … Halda áfram að lesa Kristinn HU 812
3060. Heimaey VE 1 ex Pathway PD 165. Ljósmynd Tryggvi Sigurðsson 2025. Heimaey VE 1, hið nýja uppsjávarveiðiskip Ísfélagsins, kom til heimahafnar í Vestmannaeyjum í morgun. Blíðskaparveður var í Vestmannaeyjum í morgun eins og þessi mynd Tryggva sýnir og ekki amaleg byrjun á Sjómannadagshelginni. Skipið, sem áður hét Pathway PD 165, er allt hið glæsilegasta … Halda áfram að lesa Heimaey VE 1 kom til heimahafnar í morgun
IMO 9370018. Fram. Ljósmynd Hafþór Hreiðarsson 2025. Norska leiðangursskipið Fram kom til Húsavíkur í morgun og það gerði einnig NG Explorer. Skipið er nefnt eftir skipi norsku landkönnuðanna Roald Amundsen og Fridtjof Nansen. Fram var smíðað á Ítalíu árið 2007, skipið er 113 metrar að lengd, breidd þess er 26 metrar og það mælist 11,647 GT að stærð. … Halda áfram að lesa Fram kom í dag
1639. Dalaröst ÞH 40 ex Dalaröst ÁR 63. Ljósmynd Hafþór Hreiðarsson 2007. Þá er Sjómannadagurinn framundan og því upplagt að birta eina gamla mynd af Dalaröstinni í skemmtisiglingu á Skjálfanda árið 2007. Útgerðarfélagið Flóki ehf. keypti bátinn frá Þorlákshöfn árið 1999 en þar bar hann nafnið Dalaröst ÁR 63. Báturinn var smíðaður í Noregi 1978 … Halda áfram að lesa Dalaröstin í skemmtisiglingu
1417. Helga RE 47 ex Ásrún RE 277. Ljósmynd Hafþór Hreiðarsson. Helga RE 47 kemur hér að bryggju í Sandgerði um árið en bátyurinn bar þetta nafn árin 2000-2002. Báturinn hét upphaflega Sólrún EA 151 og var smíðaður fyrir Sólrúnu h/f á Litla-Árskógssandi en hún var síðasti báturinn sem var smíðaður hjá Skipasmíðastöð KEA. Síðar … Halda áfram að lesa Helga RE 47
